انتفاضة تونس
بعد إنتفاضتك يا تونس ،وفرار ليلى وشين
نخوا قوام حكامنا ، وبدأت الوعـــود الزيـن
في شرم عاملين قمة بيغنوا فيها على ميـن
الشعـب مـ خلاص فتح عيونـه يـــا نصابين
إن كنتـم فاكرينه غبي ، يبقى اتنيلوا بستيـن
***
ليه حسني مرعوب وخايف ؟
بيقول حتماً هنمي البلد ، والصبر يا حلوين
بقرضي راح أرفعكم وعليه تروحوا قاعدين
ثلاثين سنة بتنمي ، شوف اليابان والصين
خليت حياتنا هباب ، روح اندفن في الطين
***
وآل صباح الحرامي هابش الملايين؟
قال ايه بيصرف معونة فى بطاقة التموين
والي بدون وماعنده … ياكلها زفت وطين
***
قابوس سلطان وصايع ،وأذكى مـ الاثنين
آمرهم.. إعمل مظاهرة و صوروا الثائرين
وامنه بالليل يلملم كل إلي قالوا عاوزيــن
في رميسه هيشرفوا ، حتى يقولوا اسفين
وكل عـام يتفشخر ، يعـمل كـــام مهرجـان
وحرامـيتـه بتسمسـر من عــرق النســوان
والناس مش لاقية تاكل ياكابوس الزمـان
***
ميت أحا ياحكام انتم منين جايين
تلميذكوا ابليس كفر ، هرب وراح ع الصين
***
فقراء مصر أملنا ، الكل منتظرين
مارد عظيم ينتفض ينقذنا من الظالمين
وتعيشي يا مصر حرة ،وليسقط الملاعين
يومها هيكون فَرَحنا ، وتكون عليهم طين
حكام خونة لصوص
سلبونا نهبونا جوعونا ذلونا ، سنين وسنين
سجنوا العباد خربوا البلاد همه الفساد والمفسدين
حلق وحوش يا بطل ، الكل على جدة رايحين
فاكرين من بعد ظلمهم عمرة ويبقوا خلاص طاهرين
ودي فتــوى فتاها البحـبحـاني ، شيـخ خاين الحرمين
***
يارب إنصر شعب تونس العظيم وإحفظ لنا الثائرين
وإرزقنا وإياهم بقائد شجاع بطل .. زي صلاح الدين
م.محمد البرنس
بريد الأصدقاء - صوت العرب من السويد
ليست هناك تعليقات:
إرسال تعليق